الدكتورة سمر صمود : عبد اللطيف المكي، كان جاء فالح راو من البارح



الدكتورة سمر صمود : عبد اللطيف المكي، كان جاء فالح راو من البارح

 كتبت الدكتورة و الاستاذة الجامعية المختصة في علم المناعة بمعهد باستور سمر صمود تدوينة على صفحتها الرسمية على الفايسبوك تنقد من خلالها الخبر المتعلق بإعادة تعيين عبد اللطيف المكي وزيرا للصحة، ووردت التدوينة كالآتي :

من الاخر …

عشرة سنين على قلوبنا الغربان !

و من بعد ما تخذت و كلات بعضها و الناس ماتت و المجتمع المدني تحرك و الناس قالبة الدنيا بش تجيب التلقيح …

ياحبو يرجعولنا المكي بش يركب على الحدث و زعمة هو ينقذنا

خاطر عارفين الي الاعانات جاية و مش من عندهم من عند عباد تغير على بلادها !

ما تحشموش و احنا نستاهلو الي صاير فينا خاطر ساكتينلكم !

كان جاء فالح راهو من البارح !

السياسية الاستباقية فيها ملف التلقيح و انت شيء ما عملت فيه يا سي المكي !

و ما عملت شيء في تحضير اقسام الاستعجالي وما عملت شيء في تحضير المستشفيات …

و نفكرك الي انت اكثر وزير شد الصحة في العشرة سنين الأخيرة

#24مليون_جرعة_تلقيح

و من غير وجوهكم كرهناها أعتقونا !

Commentaires

الأرشيف

نموذج الاتصال

Envoyer